منتديات المجروحات
هلا وغلآ نورتي
منتديات المجروحات

لكل مايخص المرأة العربية
 
الرئيسيةالرئيسية  البوابةالبوابة  اليوميةاليومية  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخولدخول  

شاطر
 

 لكل من لها قصة او تجربة مؤلمة مع زوجها .. تعاااالي وشوفي تجربتي

اذهب الى الأسفل 
كاتب الموضوعرسالة
Rornoo



عدد المساهمات : 39
تاريخ التسجيل : 24/02/2011

لكل من لها قصة او تجربة مؤلمة مع زوجها .. تعاااالي وشوفي تجربتي Empty
مُساهمةموضوع: لكل من لها قصة او تجربة مؤلمة مع زوجها .. تعاااالي وشوفي تجربتي   لكل من لها قصة او تجربة مؤلمة مع زوجها .. تعاااالي وشوفي تجربتي Icon_minitimeالثلاثاء مارس 01, 2011 2:01 am




كثيرا ما اقرأ في هذا القسم من المنتدى قصص يشيب لها الرأس عن الخيانة

وعن (فلانه) لمن دورت ودورت ودورت ورا زوجها حتى لقيت جواله او ايميله وشافت

بعيونها وانصدمت وبكيت وواجهته وانكر وضاعت حلاوة الأيام بينهم .. وانعاد السيناريو

نفسة مرة تلو أخرى .....

اليوم فكرت اني احط تجربتي ووالله اني صادقة في كل كلمة واني ما حطيتها لكم الا

من باب المشاركة بالخير والنفع والفائدة وما ابغى منكم الا دعوة صادقة بأنه ربي

يرزقني الولد الصالح عاجلا غير آجل ....ولكم بالمثل بإذن الله ...





قصتي بدأت من عام تقريبا .. زوجي نقل لمنطقة ثانية بسبب ظروف العمل

وبقيت انا في نفس المنطقة مع اهلي واهله .. في البداية حسيت بصعوبة

الوضع وبعد كذا اتعودت رغم مرارة الأيام والوحده خاصة ً اني كنت مسؤولة

لوحدي عن بنتي ( ثانية ابتدائي ) مع وجود وظيفتي ..

المهم مرت الأيام بمرارتها ونقلت مع زوجي واتخليت عن وظيفتي لسبب واحد فقط

(إني احبه )

الصراحة ما قصر عليه بشي وطول عمره ما كان مقصر عليه بشي ..

وفي العيد اقنعني انه راح يسافر لبلد عربي لأنه عنده دورة تدريبية .. عادةً عملة

يتطلب السفر لحضور دورات لكن في العيد ؟؟؟؟!!!!!!!!!

اتناقشنا وفي النهاية اقتنعت وراح بعد ما قضينا عيدنا في رمضان ( على قوله )

اخذلي فندق في ( الهدا ) وقضينا اجمل وقت وبعد كذا اختارلي هوه ملابس الكسوة

وما راح الا بعد ما حضر معانا يوم العيد الأول ...

بعد رجوعه صرت أحس بشي غريب .. ما ادري ايش هوه بالضبط .. لكن مجرد شعور غريب

المهم كعادة اي وحده دورت في جواله ولقيت صور لوحده ... بكل بساطة واجهته

وأنكر وسائت أحوالنا ...

المهم انقفلت الأبواب كلها في وجهي ما عدا باب الكريم سبحانه ...

قمت الليل ودعيييييييت وبكيييييييت وطلبته يرد عليه عزتي وكرامتي وينصرني

نصر عزيز مقتدر ....

وثاني يوم كلمته بكل هدوء .. والله يا بنات انه قام وسلم عليه وصار يقولي

انا أحبك وما اتصورت اني احبك لهاذي الدرجة وهاذي الصورة مهي ليه انا

اخذتها من واحد ....واني (خجلان ) من نفسي ليش سويت كذا وماليه اي عذر

أو وجه اكلمك بيه ..

قلت طيب ...

واتصافينا بعد عشا رومنسي وشموع .. لكني ما قطعت رجائي بخالقي

لمجرد انو مشكلتي انحلت .. وكنت ابغى زوجي يرجع نظيييف زي الأول

لأني حسيت انه فترة البعد خلت بيننا فراغ ...

ووالله يا بنات في نفس الأسبوع كنت انا وهوه بنتصفح الأنترنت سوا من جهازي

وكان هوه قبلها داخل على المسنجر تبعه ونسي يقفله وفجأة تتطلعلي رسالة

من وحده ( حبيبي (فلان) وحشتني ما وحشتك ؟؟؟؟)



انا اتجمدت مكاني وهوه كان يطالع الشاشة وصابة شلل .. ما قدر يقول شي

صار يتلعثم .. ويقول كلمات من هنا وهناك ...

ووالله يا بنات ربي الي ربط على قلبي وبكل هدوء قفلت المسنجر وقمت ....



هاذي المرة ربي رد اعتباري .. وبدل ما اروح انا وراه جا هوه وراية ...


اعتذر ....


مسح على ارسي ....


باس يدي .....

سلم عليه ......

طلب مني اني اصرخ .. ابكي .. اضربه .. اي شي ...




وانا ...........................





ساااااااااااااكته ......



المهم والله ما ارح تصدقوا ... بعدها زوجي

انقلب 180 درجه .....

اخذلي فندق وقضينا فيه خمسة ايام ....نفذلي طلبات كنت من الأول مستنيتها ...


صار جواله بيدي اربعه وعشرين ساعه .....

مسنجره مفتوح في البيت عاااااادي ...

قالي انه هذي البنت من بقايا علاقات الدورات الي كان يروحها ......

صدقته ...

تعرفوا ليش .....

لأني احب نفسي .. وما ابغى اكمل حياتي بمنغصات وصداع ..ولأني اعرف قبل كل

شي أنه من فوقي رب كريم ما يرضى بالظلم .....

فائدتي من كل هذا :

1- البعد سبب من اسباب الخيانه .. رغم انني لا ابررها لكننا نحن معشر النساء

نختلف عن الرجال ...

2- اذا رزقك الله بزوج طيب وسيم طموح ناجح مثقف أو كانت في صفه واحده من

هذه الصفات فاعلمي ان هنالك من ستطمع فيه ودورك هو بالمحافظة عليه ...

3- الدعاء .. الدعاء .. والاستغفار ... الاستغفار ... (فإن مع العسر يسرا)

4- الخيانة درجات وبعضها ممكن ان يغفر بعكس بعضها الآخر ...

5- المسلم خطاء والله يقبل التوبة ...

6- احبي نفسك وثقفيها وصونيها عن المراذل يحفظ الله لكي شريك حياتك من

كل شر ...




وتقبلوا ودي

اختكم

لكل من لها قصة او تجربة مؤلمة مع زوجها .. تعاااالي وشوفي تجربتي 275_1194178932 آرمن لكل من لها قصة او تجربة مؤلمة مع زوجها .. تعاااالي وشوفي تجربتي 275_1194178932





اذا اعجبك الموضوع و اردت نشره في المنتديات الاخرى فاستخدمي هذا الرابط:
لكل من لها قصة او تجربة مؤلمة مع زوجها .. تعاااالي وشوفي تجربتي
http://forum.hawahome.com/t351780.html

لكل من لها قصة او تجربة مؤلمة مع زوجها .. تعاااالي وشوفي تجربتي Hawa

لكل من لها قصة او تجربة مؤلمة مع زوجها .. تعاااالي وشوفي تجربتي 416759_1295391216

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
لكل من لها قصة او تجربة مؤلمة مع زوجها .. تعاااالي وشوفي تجربتي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات المجروحات :: عالم الحياة الزوجية ومشاكلاتها وحلولها-
انتقل الى: