ما اعرف ايش اقولكم .. لكن ادخلوا وراح تعرفوا الموضوع !!!!!!

كيفكم حبيباتي


راح ادخل في الموضوع برجلي اليمين واقولكم على الي سار ..

لكن ابغى كل وحده تدخل تنصحني او على الأقل تقولي اذا صار مع زوجها

زي ما صار مع زوجي ..أو تدعيلي .. ولها بالمثل بإذن الله ...


انا متزوجه من عشرة اعوام تقريبا .. وعندي ثلاثة اطفال الله يحفظهم ...

ملخص الحكاية اني قبل عام تقريبااضطر زوجي ينقل منطقة ثانية

بسبب ظروف العمل ولحقت بيه انا والصغار بعد فترة عام كامل ....

الصراحة ما ينقص علينا شي ولله الحمد وزوجي شخصيته مرحه

وحلوة ويحبني وانا ابادله نفس الشعور ...


حلو ؟؟؟


أمس جاني فجأة وبدون مقدمات وقالي انتي يا فلانه





( ما تدلعيني )




قلت



( ها ؟؟؟؟؟؟؟؟؟؟؟؟؟؟؟؟؟)




قال



ايوة انتي تدلعي اطفالنا اكثر مني واحس انك مهتمة بيهم

وبطلباتهم ...


قلت


يعني انا عمري قصرت في طلباتك ؟؟؟



قال


المسألة مو مسألة طلبات ... القصة وما فيها اني

ابغى .. أ ت د ل ع



انا مت ضحك وقلتله خير سلامات ... هادي طفولة متأخرة ولا ايش

هنا حسيت انه عصب لأني ما أخذت الموضوع بجدية ...


فرجعت للجد .. وقلتله طيب يا حبيب عمري انتا قولي كييييييف ادلعك


قال انتي ادرى ...

حسي بيه كأني ولدك مو زوجك


قلت في نفسي ( يا مصيبة انهبل الرجال )


والله يا بنات اول مرة يطلب هذا الطلب مني ...

والصراحة انا وزوجي ولله الفضل والمنّه طول عمرنا نحتفل

مع بعض وسافرت معاه لوحدنا بدون الأطفال وكل مناسبة سعيدة

نروح فيها لفندق ولا مطعم .. ويا ما خرجت من الأفراح انا وهوه على فنادق

وما رجعت البيت الا ثاني يوم ....



بس يا نااااس


بعد كل هذا


يقول يبغى يتدلع



طيب كيف



في البدايه كنت احسبه يمزح لأنه مرح ويحب التنكيت بس طلع

جد الجد .. ويقول انه يباني اعامله زي الأطفال


والله يا بنات قالي ( اضحكي على عقلي زي الأطفال )


دخيلكم لا تسيبوني انتوا كمان في حيرتي ...

كل قارءة أو مستشارة او عندها معرفة بمواضيع الرجال وتقلباتهم

تفيدني افادها الله ...

بقي اقولكم انه انا و زوجي على مشارف الثلاثين

والفرق بيننا في العمر بسيط .....
...

اتمنى القى ردود نافعه

وتقبلوا ودي

أختكم آرمن






اذا اعجبك الموضوع و اردت نشره في المنتديات الاخرى فاستخدمي هذا الرابط:
ما اعرف ايش اقولكم .. لكن ادخلوا وراح تعرفوا الموضوع !!!!!!
http://forum.hawahome.com/t350022.html