موضوع: اه ودي افضفض لكم وساعدوني الثلاثاء مارس 01, 2011 2:28 am
السلام عليكم ورحمة الله وبركاته خواتي ابي افضفض لكم عما في داخلي ضقت وضاقت فيني الوسيعه
متزوجه وعندي 3 بنوتات الله يحفضهم لي
مقهوره من ظلم اهل زوجي مره مره تخيلو من دخلت عروس اخت زوجي الكبيره معاديتني والله العظيم اني ماكد سويت لها شي وعشت حياتي يتم وضيم وقلت اتزوج والقى السعاده كم مره تحرجني عن الضيوف وتحطمني تحسسني اني مو حرمه زيي زي بقية الحريم احس اني مكسوره وسطهم مرات اجلس ابكي اذا تذكرت بعض المواقف
اللي حاصل اللحين خواتها الباقيات صارو يعادوني مره وكم مره اقراء بجوال زوجي يعيروني ((طبعا زوجي اذا صار بينه وبين اهله مشاكل ما يعلمني بس ادري لانهم يدخلوني بمشاكلهم ويراسلون له ويسبوني واخر مره اللي الى اليوم اتحسب عليهم لاني ما اقدر اواجه زوجي ويعرف اني افتح جواله يقولون له اني اضربهم))زوجي الى اليوم ما قالي شي بس مقهوره
حتى اذا جيت يفرقون مايحبون يجلسون معي ودايم ما يسوون عزايم الااذا كنت مسافره
حطو نفسكم مكاني اذا جيتهم ياخذون بناتي لغرفهم ويجلسوني مع امهم ما ادري وش يقولون لبناتي بس هم لهم سوابق كانو زمان يدخلون بنات عماتهم ويحرضونهم على امهاتهم واخاف يخربون علي بناتي بعدين هم بصراحه مستغربه منهم عندهم الكلام الوسخ عادي زي السلام عليكم عندنا انا استحي اقول بعض الكلمات مابي بناتي يصيرون زي الفاظهم الوسخه يجوز لي ما ازورهم واقطع فيهم ولا اقلل زيارات خاصه ان شقتي فوقهم انا تعبت نفسيتي من اللي اشوفه وبناتي بدو يكبرون ومابيهم يلبسون مثلهم ويتكلمون كلامهم مهما كان هذولا اهلهم صعبه اعلمهم على القطاعه لاني ماتربيت عليها ومشكلتي احب الناس والاجتماعات وما اعرف احد الا اهله فقط
الله يجزاكم خير ردو علي بلطف وتروني مو ضد اهل الزوج ومن تزوجت وانا اقول مارح اعتبرهم الا اهلي وناسي لكن مالقيت اللي تمنيته وعادوني بدون سبب طيب ليش الناس يزوجون ولدهم اذا بيعادون المره من اول ماتدخل عليهم